වෙඩි වැදුණු මූණට අලුත් මූණක්-සැත්කමට පැය 36, වෛද්‍ය කණ්ඩායමට 150
Posted 3:44 AM by Sri lanka Gossip Alert in
1997 දී අත්වැරදීමකින් තම පිස්තොලය මුහුණ
ඉදිරියේ පත්තුවීමෙන් මුහුණු විකෘති වූ 35 හැවිරිදි රිචඩ් ලී නොරිස් ඇමෙරිකා
ජාතිකයාගේ මුහුණට නිර්නාමික පුද්ගලයකුගේ මුහුණේ අවයව බද්ධ කිරීමට
ඇමෙරිකාවේ මේරිලන්ත සරසවි වෛද්‍ය විද්‍යාලයයේ වෛද්‍යවරු පිරිසක් සමත්වූහ.
මෙම ශල්‍ය කර්මයට වෛද්‍යරුවන් සිය දෙනකු ඇතුළු එකසිය පනස් දෙනකුට පැය 36ක්
ගත විය. මෙවැනි ශල්‍ය කර්ම විසි දෙකක් මීට පෙර සිදුකර ඇතත් ඒ අතරින් මෙම
ශල්‍ය කර්මය සුවිශේෂි බව වෛද්‍ය කණ්ඩායමේ ප්‍රධානියා වූ ශල්‍ය වෛද්‍ය
එඩුආර්ඩෝ රොඩ්රිගස් පවසයි. එයට හේතුව වශයෙන් ඔහු කියනුයේ වෙඩි වැදීම නිසා
දිවේ පැත්තකුත් දත් හා මුහුණේ තවත් අවයව විනාශ වී තිබුණත් ඒ සියලු දේ නැවත
බද්ධ කිරිමට හැකි වූ බවයි. එඩුආර්ඩෝ රොඩ්රිගස් මාර්තු 22 දා සිදුකළ ශල්‍ය
කර්මයෙන් පසු රෝගියා දින තුනක් පුරා සිහිසුන්ව සිට බවත් පියවි සිහිය පැමිණි
විගස කණ්නාඩියෙන් තම මුහුණ බලා මහත් සේ සතුටට පත්ව තමා ඇතුළු පිරිස
වැළඳගත් බවත් වෛද්‍ය එඩුආර්ඩෝ රොඩ්රිගස් පවසයි. අලුත් මුහුණ ඇති බව ඔහුට
දැනෙයි. දැන් දත් මදියි. ඔහුට සිනා සීමට ද හැකි වෙතියි වෛද්‍යවරු කියති.
හොඳ සෞඛ්‍ය තත්ත්වයකින් පසුවූවත් තව දින කිහිපයක් ඔහු මෙරිලන්ත සරසවියේ
වෛද්‍ය විද්‍යාලයයේ තබා ගැනීමට වෛද්‍යවරු තීරණය කරති.
විශ්කම් දොස්තර එඩුආර්ඩෝ රොඩ්රිගස්
සැත්කමට පෙර
මුහුණේ විකෘතිය ඉවත් කිරිමෙන් පසු
විශ්කම් දොස්තර එඩුආර්ඩෝ රොඩ්රිගස්
සැත්කමට පෙර
මුහුණේ විකෘතිය ඉවත් කිරිමෙන් පසු
0 comment(s) to... “වෙඩි වැදුණු මූණට අලුත් මූණක්-සැත්කමට පැය 36, වෛද්‍ය කණ්ඩායමට 150”
0 comments:
Post a Comment